Fríða Rakel Kaaber

Fríða Rakel Kaaber

Ég er stelpa. Kona? Líklega. Ég hlusta á tónlist, dansa stundum við hana og góla ef þannig liggur á. Ég tala mikið. Tala af viti, tala tungum. Tala allavega. Ég hef áhuga á heimsmálunum - eigin hagsmunum. Ég er í heiminum og heimurinn í mér. Allir eru eitt. Ég er ein. En samt erum við tvö. Ég og unnusti minn. Lífsförunautur. Fríður förunautur. Hann er naut. Fæddist í apríl. Á eftir bolta kemur barn. Það kemur líka á eftir brúðkaupi. Þangað til eru kettir. Kenya og Paprika. Mjálmandi, hvæsandi, malandi kettir. En þær eru mínir kettir. Ég bý í bók. Bækur eru athvarf sálarinnar. Annars býr líkami minn í 101. Fljótlega mun hann búa í Abu Dhabi. Ætli sálin muni taka eftir flutningunum?


Til gamans má geta að ég er flutt út og aftur heim og sálin tók lítillega eftir breyttu umhverfi, en þó ekki fyrr en meðfluttur bókastafli var uppurinn og hún komst að þeirri hvimleiðu uppgötvun að bókabúðir eru fátíðar og lítilfjörlegar í Sameinuðu Araba Furstadæmunum. Þá snéri ég heim aftur.