Svo er fólk að furða sig...

á því að nauðgunum fjölgi. Ég las einmitt nýverið grein í Fréttablaðinu sem tengdist umræddri könnun sem leiddi í ljós að sláandi hátt hlutfall karla taldi nauðganir vera á einhvern eða allan hátt fórnarlambinu sjálfu að kenna. Í þessari grein var verið að velta vöngum og brýna þörfina á því að finna út hvað það er í menningu ungra karlmanna sem gerir það að verkum að þeir eru haldnir þessum ranghugmyndum. Ég hugsa að hér sé einn þáttur í þessu fundinn. Það er eitt að þessi leikur sé í boði er ógeðfellt, en að menn skuli hafa lyst á að spila hann er ofar mínum skilningi.

Á hinn bóginn er það samt einfaldlega skírt merki um heimsku þegar menn hafa það viðhorf að nauðgun sé nokkurn hátt fórnarlambinu að kenna. Ég tek nú bara undir með blaðamanninnum sem spurði hvort það þýddi þá ekki að karlmönnum væri hreinlega ekki sjálfrátt? Og er það þá ekki tilfellið? Ef það er fórnarlambinu að kenna að vera beitt hryllilegu ofbeldi þá verður það að þýða að gerandinn er orðinn fórnarlamb, greyið litli kallinn sem bara missti alla stjórn á líkama sínum og nauðgaði konunni þvert gegn vilja sínum. Þessar konur ættu nú bara að skammast sín!

í alvöru, hvernig er hægt að vera svona treggáfaður?

Nauðgunarþjálfun á Netinu

Athugasemdir

[Ingólfur Þór Guðmundsson, 24.5.2007 kl. 12:59]

Maður getur akkúrat séð þetta með þá dráps-tölvuleiki  sem gengið hafa yfir þjóðina síðustu 10 árin.

og þá í samhengi við það hvað drápum hefur fjölgað "geysilega" mikið síðustu 10 árin. Þau eru farin úr cirka 1,5 morði á ári, árið 1995. Í 1,5 morð árið 2005.

Það er pottþétt samhengi á þessari fjölgun (sem er engin) manndrápa og ofbeldistölvuleikja sem riðið hafa íslensku þjóðinni á fullu !

p.s.

Svona ef maður tekur burt alla kaldhæðnina sem er hér að ofan, þá held ég að svona leikir hafi afskaplega lítið með það að gera hvað menn svo framkvæma í veruleikanum.

Ég hef gaman af því að spila football manager tölvuleikinn, en langt í frá að ég stefni að því að verða þjálfari í raunveruleikanum.

Ég spila leikinn Hitman (sé fjallar um leigumorðingja), en langt í frá að ég vilji vera slíkur í raunveruleikanum.

Það eina sem þessi frétt gerir er að ýta undir forvitni tölvuleikjaunnenda á að prófa þennan tiltekna leik. Besta auglýsing sem þessir japanar sem gerðu leikinn hafa fengið á íslandi !

[matthías (IP-tala skráð) 24.5.2007 kl. 13:07]

Ég er nokkuð viss um að það þurfi ekki að kenna fólki að nauðga....

[Þorsteinn Ásgrímsson (IP-tala skráð) 24.5.2007 kl. 13:16]

Þessi norska könnun sem þú ert að benda á hafði reyndar sína galla. Spurningarnar voru mjög leiðandi og könnunin hefur verið mjög gagnrýnd þarlendis.

Engu að síður er auðvitað hrikalegt að sjá svona tölur, en þær ber að taka með fyrirvara einmitt vegna lélegra spurninga. 

[Ingólfur Þór Guðmundsson, 24.5.2007 kl. 13:46]

Æ, erum við ekki bara þannig gerð að það þarf að finna einhvern blóraböggul, sökudólg !

Ef það verða 1-2 nauðganir í Eyjum um verslunarmannahelgina, getum við þá ekki munað eftir þessum leik, og kennt honum um. Þess má annars til gamans geta að það hafa verið 1-2 nauðganir í Eyjum síðustu 20 árin, þannig að ég held að það væri seilst langt með því að benda á þennan leik sem einhvern blóraböggul.

Að sama skapi er ég ekki viss um að við getum alltaffundið einhverjar skýringar fyrir ofbeldisverkum. Sumir hreinlega eru vondir í eðli sínu, eða jafnvel fæðast slæmir, ef það er á annaðborð hægt. Ég hef ekki svarið við því.

Við getum ekki útskýrt manndráp, nauðganir og ofbeldi, með því að benda alltaf á einhverjar "steríótýpiskar" skýringar. Eins og: Tölvuleikir og eða kvikmyndir.

Ég held að almenn hnignum sé að eiga sér stað í Íslensku samfélagi og það þýðir ekkert að benda á súlustaðina, sólarhringsopnun veitingastaða, kvikmyndir, bækur, tölvuleiki eða hvað annað til að finna skýringarnar á því.............eða einhverja álíka heimskulegar skýringar !

Ég tek það fram að ég hef óbeit á ofbeldi, nauðgunum, morðum og almennri grimmd !

[Palli (IP-tala skráð) 24.5.2007 kl. 15:50]

í japan er frammleidd gríðarlegt magn af klámi sem byggjist á nauðgunum, á borð við þennan leik, samt er japan með lægstu nauðgunartölu í heiminum

[Butcer (IP-tala skráð) 24.5.2007 kl. 16:08]

 Ef klám veldur auknum nauðgunum af hverju er nauðgana tíðni Japan 13 sinnum lægri en okkar

 

Ísland :0.246009 per 1,000 people

Japan  :0.017737 per 1,000 people

 Af hverju er nauðganatíðni  í hollandi meira en tvöfallt minni en á íslandi?

Holland : 0.100445 per 1,000 people

 

Þar að auki hafa rannsóknir að aukið aðgengi að klámi minnki nauðgarnir

Sjá : http://www.law.stanford.edu/display/images/dynamic/events_media/Kendall%20cover%20+%20paper.pdf

       http://papers.ssrn.com/sol3/papers.cfm?abstract_id=913013

Heimildir fyrir tölum með naugðunum: http://www.nationmaster.com/graph/cri_rap_percap-crime-rapes-per-capita

[Geiri (IP-tala skráð) 24.5.2007 kl. 19:19]

Af hverju er verra að nauðga í tölvuleikjum heldur en að lemja eða drepa? Ég skil þetta ekki. Ekki reyna að segja mér að einhverjir fari út og nauðga bara vegna þess að þeir spiluðu leikinn.

[Guðrún (IP-tala skráð) 25.5.2007 kl. 09:58]

Ingólfur. Hvernig er hægt að halda því fram að einungis 1-2 nauðganir verði um verslunarmannahelgina á hverju ári. Ertu með einhverjar tölur sem styðja það?

Bendi þér svo á skýrslu Stígamóta sem var að koma út. Þar kom fram að ekki hafa komið fleiri konur til Stígamóta síðan '96 en það var árið sem Stígamót var stofnað og þar af leiðandi ákveðin uppsöfnuð þörf fyrir þessa þjónustu. Í fyrra komu 266 fórnarlömb til Stígamóta. 266!

Það sem þær í Stígamótum segja er að þær finna fyrir því að nauðgunum hafi fjölgað, hópnauðgunum einnig. Hef heyrt þær á Neyðarmóttökunni segja þetta líka. Og þegar Stígamót og Neyðarmóttakan koma fram og benda á þetta þá finnst mér eðlilegt að á það sé hlustað. Af hverju er nauðgunum að fjölga? Er það eitthvað í menningunni sem hefur þar áhrif?

Og ef nauðgunum er að fjölga þá er það varla eitthvað sem hefur alltaf verið. Þá er ekki hægt að benda á söguna og segja að svona hafi þetta alltaf verið. Því þá værum við með stöðugt ástand ekki satt?

Nei þegar nauðgunum virðist vera að fjölga þá finnst mér full ástæða til að velta fyrir mér ástæðunum. Og það seinasta sem fólk ætti að gera er að horfa framhjá leik eins og þessum og segja að svona sé bara lífið og að þetta verði alltaf til. Þetta versnar bara ef fólk spyrnir ekki við fótum. 

[Fríða Rakel Kaaber, 25.5.2007 kl. 10:14]

Ég er hæstaánægð með þessa virku umræðu!

Ég vil benda á að ég er ekki að segja að Siggi sem í gær barðist ötult gegn nauðgunum fari að nauðga í dag eftir að hafa spilað leikinn, en þetta er merki um siðferðis hnignun og þetta hefur áhrif á réttlætiskennd ungra sála sem munu vaxa upp til að verða fullvaxnir einstaklingar. Við sem erum fullorðin núna ólumst ekki upp við það að leikir okkar byggðust á nauðgunum og morðum og bara það eitt að nefna slíka hluti í flimtingum kallaði oftar en ekki á fjölskyldufu-/kennarafund, ef börn vissu yfir höfuð hvað þessi orð þýddu. Þetta var allavega mín upplifun í æsku.

Endilega haldið áfram að viðra skoðanir ykkar!

[Fríða Rakel Kaaber, 25.5.2007 kl. 10:15]

afsakið innsláttarvillur að ofan