Hver neitar barni um að fá að pissa?

Þetta er líklega eitt það fáránlegasta sem ég hef heyrt í langan tíma. Hvers konar kvikindisskapur er það að segja barninu að hann yrði skilinn eftir aleinn og allslaus ef eftir honum yrði látið að stoppa til að pissa, og tek ég fram að ég er hreinlega ekki viss um að ég komist svo vel að orði að kalla þetta að "láta eftir honum" þar sem ekki er verið að tala um að dekra drenginn á nokkurn hátt, heldur hreinlega að leyfa honum að sinna frumþörfum líkamans.
Svona fólk hlýtur að eiga eitthvað bágt í sálinni, tímaáætlun afsakar ekki með nokkru móti að niðurlægja drenginn með þessum hætti.

Pissaði á rútugólfið þegar bílstjórinn neitaði að stoppa

Athugasemdir

[Jenný Anna Baldursdóttir, 17.3.2007 kl. 23:28]

Þetta er púra ofbeldi á barni, niðurlægjandi og særandi.  Hvernig eiga börn að líta upp til fullorðinna ef þeir mæta nokkrum svona reglulega?  Hefði flippað út ef eitthvað svona hefði verið gert gagnvart dætrum mínum.  ARG

[Didda, 19.3.2007 kl. 14:31]

Þetta er náttúrulega bara ömurleg framkoma gagnvart drengnum, að fullorðinn maður skuli haga sér svona...svei !!!